Тамақ инженериясы

Кафедра меңгерушісі
Уразбаева Клара Әбдіразаққызы
химия ғылымдарының кандитаты, профессор
Мекен-жайы: Шымкент, Тәуке-хан даңғылы 5, блок №АБ, каб.124
 

   

►Профессор-оқытушылар құрамы

Біздің түлектер

 

Жалпы мәліметтер

«Тамақ инженериясы»кафедрасы

1995 ж. Оңтүстік Қазақстан Техникалық университетінің тамақ факультетіндегі төрт мамандандырылған кафедраларынан «Кондитерлік және қантты заттар технологиясы», «Майлар технологиясы», «Консервілер мен тағам қонцентраттары технологиясы», «Ашыту және шарап жасау технологиясы» бағыттары бойынша мамандар дайындау жүзеге асырылды.

2003 ж. Агроөнеркәсіптік факультетінің ашылуына орай аталған мамандықтар қосылды  және кафедра «Тамақ өндірістерінің технологиясы және тоңазыту техникасы» деп аталды.  

2008ж кафедра Жеңіл және тамақ өнеркәсібі факультет құрамына кірді. 2010 ж. бастап кафедра «Тамақ өндірістерінің технологиясы»  деп аталды.  Кафедраны: т.ғ.к., доцент Бейсенбаев А.Ю. (2003- 2008жж), т.ғ.д., профессор Бахов Ж.К. (2008 – 2009жж) басқарды. 2009 ж.наурыз айынан х.ғ.к., доцент Уразбаева Клара Абдыразаховна басқаруда.

2015 ж. кафедра  «Тамақ инженериясы» (кафедра меңгерушісі Уразбаева К.А.) мен «Азық түлік өнімдерінің қауіпсіздігі және технологиясы» (кафедра меңгерушісі Шингисов А.У.)  кафедраларына бөлінді.

«Тамақ инженериясы» кафедрасында 5В072800– Өңдеу өндірістерінің технологиясы (салалар бойынша) мамандығы бойынша қазақ, орыс, ағылшын тілдерінде бакалаврлар мен 6М072800 – Өңдеу өндірістерінің технологиясы (салалар бойынша) мамандығы бойынша магистрлер дайындалады.

Кафедрада 20 оқытушы жұмыс жасайды, олардың 11-і ғылыми дәреже және атаққа ие, 2-і доктор PhD, 12- сі техника ғылымдарының магистрлері болып табылады. Қазақстан Республикасы Білім және ғылым министрлігінің "жоғары оқу орнының үздік оқытушысы" мемлекеттік грантының иегерлері: химия ғылымдарының кандидаты, доцент Уразбаева К. А.(2014), PhD Серікұлы Ж. (2016), техника ғылымдарының кандидаты Әбдіжаппарова Б. (2018), техника ғылымдарының кандидаты Орымбетова Г. Э.(2018).

Тамақ инженериясы кафедрасының ұжымы

Білім беру саласындағы сапаны қамтамасыз ету тәуелсіз агенттігі (ББССҚТА) және Аккредиттеу және рейтингтің тәуелсіз агенттігі (АРТА) рейтингісінде соңғы жылдары кафедра бакалавриаты мен магистратурасы  тұрақты  бipiншi, екінші орын иеленуде.

2015 жылдан бастап кафедрада ҚР индустриальді инновациялық дамудың Мемлекеттік бағдарламасы (ИИДМБ-2) шеңберінде «бейінді магистратура» бағдарламасы қолданылуда.  Шетел ЖОО серіктестік: Гент Университеті (Бельгия), Латвия ауылшаруашылық университеті (Латвия), Падуи Университеті (Италия), Валенсия политехникалық университеті (Испания), Пловдив Университеті (Болгария), Ақпараттық технология және оптика ұлттық зерттеу университеті (Ресей) қатысуымен «Тағам өнімдерінің қауіпсіздігі және тамақ инженериясы», «Ауылшаруашылық өнімдерін өңдеудің қауіпсіз технологиясы» білім беру бағдарламасы бойынша бағдарлама дайындалды. Бизнес-серіктестік ретінде келесі кәсіпорындар қатысты: «Компания Фудмастер-Шымкент» ЖШС, «Амангельды» ЖШС, «Алтын Дән» АҚ, «Рахат-Шымкент» ЖШС және т.б. Осы өндірістердің өкілдері сабақ өткізеді және магистрлік жұмыстардың қосымша жетекшілері болып табылады.

«Ауылшаруашылық өнімдерін өндірудің қауіпсіз технологиясы»  ББ Еуропалық тақырыптық химиялық желілерден (Брюссель, 2017 ж) халықаралық сараптамадан өтті. Euromaster® сапа белгісі және Chemical Technology Euromaster® лейблы алынды. ИИДМБ-2 аясында 186 магистрант білім алып және олар жұмыспен қамтылды.

2018 жылы зертханалар ҚР ИжДМ техникалық реттеу комитетінің Ұлттық аккредитациялау орталығының МЕСТ ИСО/МЭК 17025-2009 «Сынау мен калибрлеу зертханасының құзіреттілігіне жалпы талаптар»  талабына сәйкес № KZ.T.16.2057 19 сәуір, 2018 (19 сәуір, 2023 жылға дейін жарамды) аккредитация аттестаты алынды.

Тамақ инженериясы кафедрасының лабораториясы